ក្រុមហ៊ុន Renaissance Minerals (Cambodia) Limited របស់ប្រទេសអូស្ត្រាលី បានបើកការដ្ឋានអាជីវកម្ម និងរោងចក្រចម្រាញ់ «រ៉ែមាស» នៅតំបន់អូរខ្វាវ ស្រុកកែវសីមា ខេត្តមណ្ឌលគិរី ចាប់ពីថ្ងៃទី២១ ខែមិថុនា ឆ្នាំ២០២១មក។ គម្រោងនេះ បានដំណើរការក្រោមដើមទុន ១២០លានដុល្លារ។ គិតត្រឹមខែកុម្ភៈ ឆ្នាំ២០២៥ Renaissance Minerals (Cambodia) Limited បានផលិតមាស រហូតដល់ ១៣ ៧២០.៩ គីឡូក្រាម។
បច្ចុប្បន្ន ការដ្ឋាននេះ មានបុគ្គលិកសរុប ៧៥០នាក់ ក្នុងនោះមានខ្មែរ ៦៥៩នាក់។ ចំពោះបុគ្គលិកប្រចាំនៅការដ្ឋាន មានចំនួន៥៥០នាក់ ក្នុងនោះមានបុគ្គលិកជាស្រ្តីចំនួន៦០នាក់។ ការដ្ឋានអាជីវកម្មនិងរោងចក្រចម្រាញ់«រ៉ែមាស»របស់ក្រុមហ៊ុននេះ គឺជាលក្ខណៈឧស្សាហកម្មលើកដំបូង របស់កម្ពុជា។
ដោយឡែក ក្រុមហ៊ុន Renaissance Minerals (Cambodia) Limited ក៏កំពុងសិក្សាពីលទ្ធភាពក្នុងការរុករករ៉ែមាស នៅក្នុងឃុំជាំតាម៉ៅ ស្រុកមេមត់ ខេត្តត្បូងឃ្មុំ ផងដែរ៕
ដោយ៖ គង់ អារុណពុទ្ធីរិទ្ធ
